॥ भवान्यष्टकं ॥
॥ bhavānyaṣṭakaṁ ॥
न तातो न माता न बन्धुर्न दाता
न पुत्रो न पुत्री न भृत्यो न भर्ता।
न जाया न विद्या न वृत्तिर्ममैव
गतिस्त्वं गतिस्त्वं त्वमेका भवानि॥ १॥
na tāto na mātā na bandhurna dātā
na putro na putrī na bhṛtyo na bhartā |
na jāyā na vidyā na vṛttirmamaiva
gatistvaṁ gatistvaṁ tvamekā bhavāni || 1||
Goddess Bhavani, you are my refuge, you alone are my refuge. Neither my father nor my mother, neither my relative nor my benefactor, neither my son nor my daughter, neither my servant nor my master, neither my wife nor my knowledge, nor my conduct is my refuge.
भवाब्धावपारे महादुःखभीरु
प्रपात प्रकामी प्रलोभी प्रमत्तः।
कुसंसारपाशप्रबद्धः सदाहं
गतिस्त्वं गतिस्त्वं त्वमेका भवानि॥ २॥
bhavābdhāvapāre mahāduḥkhabhīru
prapāta prakāmī pralobhī pramattaḥ |
kusaṁsārapāśaprabaddhaḥ sadāhaṁ
gatistvaṁ gatistvaṁ tvamekā bhavāni || 2||
Goddess Bhavani, you are my refuge, you alone are my refuge. I have fallen into this endless ocean of worldly existence filled with great sorrow. I am afraid, fallen to objects of desire, filled with greed and am thoughtless. I am forever tied in the bondage of the cycle of miserable worldly existence (samsara).
न जानामि दानं न च ध्यानयोगं
न जानामि तन्त्रं न च स्तोत्रमन्त्रम्।
न जानामि पूजां न च न्यासयोगं
गतिस्त्वं गतिस्त्वं त्वमेका भवानि॥ ३॥
na jānāmi dānaṁ na ca dhyānayogaṁ
na jānāmi tantraṁ na ca stotramantram |
na jānāmi pūjāṁ na ca nyāsayogaṁ
gatistvaṁ gatistvaṁ tvamekā bhavāni || 3||
Goddess Bhavani, you are my refuge, you alone are my refuge. Neither I know charity nor meditation, and neither I know spiritual techniques (tantra) nor hymns (stotram) nor sacred verses for prayer (mantra). Neither do I know rituals (Puja) nor purification (nyasa) techniques.
न जानामि पुण्यं न जानामि तीर्थं
न जानामि मुक्तिं लयं वा कदाचित्।
न जानामि भक्तिं व्रतं वापि मातर्-
गतिस्त्वं गतिस्त्वं त्वमेका भवानि॥ ४॥
na jānāmi puṇyaṁ na jānāmi tīrthaṁ
na jānāmi muktiṁ layaṁ vā kadācit |
na jānāmi bhaktiṁ vrataṁ vāpi mātar-
gatistvaṁ gatistvaṁ tvamekā bhavāni || 4||
Oh divine Mother Bhavani, you are my refuge, you alone are my refuge. Neither I know virtuousness nor pilgrimage, neither I know liberation (mukti) nor mental absorption in god (laya) at any time. Neither I know devotion nor even pious observances such as fasting (vrata).
कुकर्मी कुसङ्गी कुबुद्धिः कुदासः
कुलाचारहीनः कदाचारलीनः।
कुदृष्टिः कुवाक्यप्रबन्धः सदाहं
गतिस्त्वं गतिस्त्वं त्वमेका भवानि॥ ५॥
kukarmī kusaṅgī kubuddhiḥ kudāsaḥ
kulācārahīnaḥ kadācāralīnaḥ |
kudṛṣṭiḥ kuvākyaprabandhaḥ sadāhaṁ
gatistvaṁ gatistvaṁ tvamekā bhavāni || 5||
Goddess Bhavani, you are my refuge, you alone are my refuge. I am always performing bad actions, involved with bad company, having poor intellect, being a bad servant, not performing traditional family duties, stuck to bad conduct, used to seeing things with evil intentions and using collections of bad words.
प्रजेशं रमेशं महेशं सुरेशं
दिनेशं निशीथेश्वरं वा कदाचित्।
न जानामि चान्यत् सदाहं शरण्ये
गतिस्त्वं गतिस्त्वं त्वमेका भवानि॥ ६॥
prajeśaṁ rameśaṁ maheśaṁ sureśaṁ
dineśaṁ niśītheśvaraṁ vā kadācit |
na jānāmi cānyat sadāhaṁ śaraṇye
gatistvaṁ gatistvaṁ tvamekā bhavāni || 6||
Goddess Bhavani, you are my refuge, you alone are my refuge. I don’t know about Lord of creation (Brahma), Lord of Lakshmi (Vishnu), the great Lord (Shiva); Lord of the devatas (Indra), Lord of the Day (Sun), Lord of the Night (Moon) or any other god and I always seek refuge in you.
विवादे विषादे प्रमादे प्रवासे
जले चानले पर्वते शत्रुमध्ये।
अरण्ये शरण्ये सदा मां प्रपाहि
गतिस्त्वं गतिस्त्वं त्वमेका भवानि॥ ७॥
vivāde viṣāde pramāde pravāse
jale cānale parvate śatrumadhye |
araṇye śaraṇye sadā māṁ prapāhi
gatistvaṁ gatistvaṁ tvamekā bhavāni || 7||
Goddess Bhavani, you are my refuge, you alone are my refuge. When I am in arguments, in sorrow, in state of negligence, in foreign residence, in water, and in the fire, on mountains, in the midst of enemies, or in forest I seek refuge in you to always protect me.
अनाथो दरिद्रो जरारोगयुक्तो
महाक्षीणदीनः सदा जाड्यवक्त्रः।
विपत्तौ प्रविष्टः प्रनष्टः सदाहं
गतिस्त्वं गतिस्त्वं त्वमेका भवानि॥ ८॥
anātho daridro jarārogayukto
mahākṣīṇadīnaḥ sadā jāḍyavaktraḥ |
vipattau praviṣṭaḥ pranaṣṭaḥ sadāhaṁ
gatistvaṁ gatistvaṁ tvamekā bhavāni || 8||
Goddess Bhavani, you are my refuge, you alone are my refuge. I am helpless, poor, getting old, regularly sick, becoming very weak, showing dull facial expressions and always getting lost by facing misfortunes.
॥ इति श्रीमदादिशङ्कराचार्यविरचितं भवान्यष्टकं सम्पूर्णम्॥
|| iti śrīmadādiśaṅkarācāryaviracitaṁ bhavānyaṣṭakaṁ sampūrṇam || 
